Таних
Зөвшөөрсөн хүн үнэхээр тэр мөн
Тал бүр цахим үнэмлэхээрээ нэвтэрнэ. Регистрийн дугаараар нь утсанд мэдэгдэл очих, эсвэл QR уншуулах хоёр зам бий. Тиймээс гэрээг зөвшөөрсөн хүн хэн байсан нь бүртгэлд үлдэнэ. Нууц үг цээжлэх шаардлагагүй.
Гэрээгээ цахимаар байгуулъя
Гэрээгээ Word файлаасаа оруулаад, эсвэл загвараас үүсгээд, талуудаа регистрийн дугаараар нь урина. Тал бүр бичвэрийг уншаад зөвшөөрөх, засвар хүсэх, татгалзахаа шууд мэдэгдэнэ. Гэрээ хаана явж байгаа, хэнийг хүлээж байгааг нэг дэлгэцээс харна.
Цахим үнэмлэхээрээ шууд нэвтэрнэ, бүртгэлийн маягт бөглөхгүй. Бүрдсэн гэрээгээ PDF-ээр татаж хэвлэнэ.
Ингэж ажилладаг
- ҮүсгэхЗагвараас эсвэл Word файлаас
- УрихРегистрийн дугаараар
- ЗөвшөөрөхЭсвэл засвар хүсэх
Тохиролцооны бүх үе шат — нэг дор
Төсөл боловсруулахаас эхлээд талуудын зөвшөөрөл, хадгалалт, бүртгэл хүртэл. Талууд өөр өөр байгууллагад, өөр өөр хотод байсан ч ялгаагүй.
Регистрээр урина, нэрийг задалдаггүй
Хувь хүнийг регистрийн дугаараар нь урина. Систем регистрээс нэрийг нь хэзээ ч задалдаггүй: тэр хүн цахим үнэмлэхээрээ нэвтэрсний дараа л нэр нь гэрээнд бичигдэнэ. Иймд энд регистр цохиод хэн нэгний нэрийг олох боломжгүй.
Гэрээ зөвхөн талуудад л харагдана
Гэрээг хэн харж болохыг өгөгдлийн сан өөрөө шийднэ, програмын давхарга биш. Тал нь биш хүн гэрээг жагсаалтаас ч, хайлтаас ч, холбоосоор ч нээж чадахгүй.
Нэг загвар, гурван төрлийн тал
Загвар нь үүрэг тодорхойлдог болохоос тодорхой нэг талыг биш. Үүрэг бүрд «хүн», «байгууллага», «аль нь ч болно» гэж заана. Иймд нэг загвар байгууллага хоорондын, байгууллага хүнтэй, хүн хүнтэй байгуулах гурвуулаад хүчинтэй.
Зөвшөөрөл ба засвар хүсэлт нэг урсгалд
Тал бүр гэрээг уншаад зөвшөөрөх, эсвэл «түрээсийг 800 болгоё» гэж засвар хүсэх боломжтой — татгалзал биш, гэрээ амьд үлдэж захиастай хамт үүсгэгч рүү буцна. Үүсгэгч засварласан даруйд өмнөх бүх зөвшөөрөл хүчингүй болно.
Илгээхээсээ өмнө засаж болно
Ноорог гэрээгээ гарчиг, бичвэр, талуудынх нь хамт засна. Буруу илгээсэн гэрээг цуцална.
Яагаад и-мэйлээр солилцохоос дээр вэ
Цахим гэрээ бол хавсралт файл биш. Аль бичвэр дээр хэн, хэзээ тохирсныг эргэлзээгүй харуулах чадвар нь гол.
Илгээсэн бичвэр өөрчлөгдөхгүй
Гэрээг илгээмэгц бичвэр нь цаашид өөрчлөгдөхгүй. Эх загвар нь хожим өөрчлөгдсөн ч илгээгдсэн гэрээ хэвээр үлдэнэ. Үүсгэгч засвар оруулбал гэрээ ноорог руу буцаж, өмнө өгсөн бүх зөвшөөрөл хүчингүй болно: засварласан бичвэрийг тал бүр дахин уншина.
Хэн юу хийсэн нь бүртгэлтэй
Гэрээ үүсгэсэн, илгээсэн, үзсэн, зөвшөөрсөн, засвар хүссэн үйлдэл бүр цаг хугацаа, хэрэглэгчийн хамт бүртгэгдэнэ. Бүртгэлийг засах, устгах эрхийг өгөгдлийн сангийн түвшинд хаасан тул бүртгэл зөвхөн нэмэгдэнэ.
Тохиролцооны яриа гэрээндээ хавсарна
И-мэйл, чат, утсаар ярьсан зүйл хаа сайгүй тарж үлддэг. Энд «түрээсийг 800 болгоё» гэсэн засварын хүсэлт, түүнд өгсөн хариу гэрээн дээрээ дараалалтайгаа үлдэнэ. Хожим «яагаад ингэж өөрчилсөн юм бэ» гэсэн асуултад гэрээ өөрөө хариулна.
Гэрээн дээр хийж болох зүйлс
Байнга давтагддаг гэрээгээ нэг удаа загвар болгоно. Дараа нь зөвхөн нүдийг нь бөглөнө.
Гэрээний загвар
Ангилалтай сан; талбарыг бөглөхөд гэрээ бэлэн болно.
Талууд ба үүрэг
Үүрэг бүрд тал: өөрөө эсвэл регистрээр урьсан хүн.
Засвар хүсэх
Татгалзалгүйгээр «ингэж засъя» гэж захиастай буцаана.
Цахим гарын үсэг
Одоогоор талуудын зөвшөөрлийг бүртгэдэг. eID цахим гарын үсэг дараагийн ээлжинд.
PDF-ээр татах
Гэрээгээ PDF болгож хэдийд ч татаж, хэвлэж, архивдаа хадгална.
Аудит бүртгэл
Үйлдэл бүр цаг, хэрэглэгчийн хамт өөрчлөгдөшгүй.
Хэнийг хүлээж байна
Аль тал хараагүй, аль нь зөвшөөрснийг жагсаалтаас харна.
Дөрвөн хэл
Бүх дэлгэц монгол, англи, хятад, орос дөрвөн хэлээр.
Дараагийн гэрээгээ цахимаар байгуулаарай
Загвар заавал хэрэггүй: Word файлаа оруулаад талуудаа регистрийн дугаараар нь урьвал болно. Хэн хэзээ зөвшөөрснийг гэрээ өөрөө бүртгэнэ.